Состојбата со снабдувањето со горива во државата е стабилна и нема никаква потреба од ограничување на точењето за државјани од соседните земји, порача премиерот Христијан Мицкоски, коментирајќи ги актуелните состојби на пазарот со нафта и нафтени деривати.
Тој истакна дека во моментов нема никакви нарушувања во синџирот на снабдување и дека државата располага со доволни количини горива за нормално функционирање на економијата и за потребите на граѓаните.
Мицкоски нагласи дека потрошувачката во одредени денови, особено во пограничните региони, е зголемена и до 30 проценти. Ова од Причина што Македонија има убедливо најниски цени на бензин и дизел од целиот регион.
Дополнително, Премиерот истакна дека позитивно е што, во услови кога повеќе европски аеродроми имаат криза со керозин, во Македонија и тоа го има во доволни количини, дури се снабдуваат и аеродроми во регионот, што дополнително ја потврдува улогата на земјата како стабилен снабдувач во енергетскиот сектор.
