На 20 март во Скопје ќе биде отворено ново филмско катче „Фино кино“, сместено во просторот на „Лабораториум“, кој сега функционира во рамки на зградата на Сојузот на синдикатите. Отворањето е закажано за 19 часот и ќе започне со проекција на филмот „Нов бран“ на познатиот режисер Ричард Линклејтер.
Станува збор за иницијатива што има за цел да понуди поинаков филмски доживувај – мало, интимно артхаус кино со внимателно селектирана програма. Организаторите најавуваат дека преку „Фино кино“ сакаат да создадат нова културна платформа и простор за собирање на љубителите на филмската уметност.
Во рамки на програмата, публиката ќе има можност повторно да го погледне „Нов бран“ и на 22 март. Дополнително, ќе бидат прикажани и други значајни филмски остварувања, меѓу кои анимираниот филм „Арко“, кој беше номиниран за Оскар, како и „Млади мајки“ во режија на браќата Дарден, филм што освои награда за најдобро сценарио на Канскиот фестивал.
Со ваквата понуда, „Фино кино“ има амбиција да стане препознатливо место за алтернативна филмска сцена во Скопје и да поттикне создавање жива заедница околу уметничкиот филм.
