Советот на Општина Центар, на предлог на градоначалникот Горан Герасимовски, донесе едногласна одлука за доделување на финансиска помош во износ од 1.000.000 денари за рехабилитација на повредените и поддршка на семејствата кои ги загубија своите најблиски во пожарот во дискотеката „Пулс“ во Кочани.
– Кога е најтешко, да си подадеме рака, да се поддржиме, да покажеме дека хуманоста и солидарноста се најголемата сила што ја имаме. Нашите мисли се со семејствата кои тагуваат и со сите повредени кои се во процес на опоравување. Им посакувам да останат храбри и да не се предаваат, нека знаат дека не се сами, истакнал градоначалникот Герасимовски.
Додал дека Кочани ја има поддршката од него лично и од советниците.
– Советниците ја прифатија иницијативата на Герасимовски, испраќајќи силна порака на сочувство и поддршка за сите погодени од големата трагедија, во која згаснаа 62 млади животи, а 200 беа повредени, велат од Општината.
