Затворите Menu (Мени)
Прва Скопска ТВ
    Facebook Instagram YouTube
    Facebook X (Твитер) Instagram
    Прва Скопска ТВ
    • Почетна
    • Вести
      • Политика
      • Економија
      • Република
      • Избори 2025
    • Свет
    • Скопје
    • Хроника
    • Култура
    • Спорт
    • Колумни
    • Магазин
      • Музика
      • Живот и Стил
      • Љубов и Секс
      • Занимливости
      • Технологија
      • Храна и Пијалоци
      • Хороскоп
    • Од телевизија
      • Инфоскоп
      • Блиц
      • Времеплов
      • Сте слушнале ли?
      • 5 минути здравје
    • Интервју
      • Директно со
    ГЛЕДАЈ ВО ЖИВО
    Прва Скопска ТВ
    Дома»Култура»Премиера на сараевската „Убиство во Ориент експрес“ во режија на Андреј Цветановски
    Култура

    Премиера на сараевската „Убиство во Ориент експрес“ во режија на Андреј Цветановски

    10/03/20263 Минути Читање
    Сподели
    Facebook Твитер Telegram WhatsApp

    Темата на делото е особено блиска и во балкански контекст – ова не е само мистерија, туку драма за прашањето што е правдата и дали таа станува закон кога луѓето ја земаат во свои раце, вели Цветановски.

    На сцената на Народно позориште во Сараево вечерва премиерно ќе биде изведена претставата „Убиство во Ориент експрес“, во режија на македонскиот режисер Андреј Цветановски. Станува збор за сценска адаптација на прочуениот роман на Агата Кристи, поставена според драматизацијата на Кен Лудвиг.

    Претставата ја следи приказната за мистериозно убиство во легендарниот воз „Ориент експрес“, каде група патници се вплеткуваат во комплексна истрага што ја води детективот Херкул Поаро. Зад класичната криминалистичка структура, сепак, се отвораат подлабоки дилеми – што е поважно: правдата или законот?

    – Оваа претстава ќе биде наше засолниште во наредните месеци, додека заедно ги следиме трагите во заговорот наречен „Убиство во Ориент експрес“ и постојано се прашуваме – кој е праведен, а кој виновен. Темата на делото е особено блиска и во балкански контекст. Ова не е само мистерија, туку драма за прашањето што е правдата и дали таа станува закон кога луѓето ја земаат во свои раце – вели Цветановски.

    Уметничкиот директор на Драмата во Народно позориште – Сараево, Алдин Омеровиќ, истакна дека секоја премиера е празник за театарот и изрази задоволство од ангажманот на целиот креативен тим.

    Актерите од сараевскиот ансамбл го опишуваат процесот како инспиративен и динамичен. Марио Дрмаќ вели дека работата на претставата била вистинска актерска авантура.

    – Со ваква екипа и со режисер кој знае да ја води целата игра, процесот беше вистинско уживање. Тоа е театарска игра во која сите сме целосно вклучени – вели Дрмаќ.

    Според Амра Капиџиќ, пробите поминале во атмосфера на доверба и позитивна енергија.

    – Андреј е прекрасен млад човек и режисер кој точно знае како сака да ја раскаже приказната и да ѝ даде личен печат. Тој им верува на актерите и внимава секој да се чувствува сигурно и пријатно на сцената. Таквиот пристап создаде исклучително здрава работна атмосфера – вели Капиџиќ.

    Интересот за претставата е огромен – сите репризни изведби се распродадени уште пред премиерата.

    Во претставата настапуваат: Марио Дрмаќ, Фарук Хајдаревиќ, Нерман Махмутовиќ, Анастасија Дуњиќ, Амра Капиџиќ, Иса Осмиќ, Санела Крсмановиќ Бистривода, Ведрана Божиновиќ, Дино Бајровиќ, Елма Фетиќ, Мак Ченгиќ и Ела Селимовиќ.

    Драматургијата ја потпишува Џејна Хоџиќ, сценографијата и костимографијата се дело на Адиса Ватрeш-Салимовиќ, музиката ја компонира Мирза Реџепагиќ, а дизајнот на светло е на Моамер Шаковиќ.

    Поврзани вести:

    Глобална женска лидерска конференција „Јас сум жена“ утре во Скопје

    Глобална женска лидерска конференција „Јас сум жена“ утре во Скопје

    „Набуко“ од Верди на 30 октомври на сцената на Националната опера и балет

    „Набуко“ од Верди на 30 октомври на сцената на Националната опера и балет

    Весна Димитровска прогласена за најдобра актерка на меѓународен фестивал во Италија

    Весна Димитровска прогласена за најдобра актерка на меѓународен фестивал во Италија

    Вечерва во Битола се затвора јубилејното 35. издание на „Интерфест“

    Вечерва во Битола се затвора јубилејното 35. издание на „Интерфест“

    Билјана С. Црвенковска гостува на „Денови на македонската поезија“ во Гетеборг

    Билјана С. Црвенковска гостува на „Денови на македонската поезија“ во Гетеборг

    Отворено 47. издание на Фестивалот „Браќа Манаки“

    Отворено 47. издание на Фестивалот „Браќа Манаки“

    МОЖЕБИ ЌЕ ВЕ ИНТЕРЕСИРА:
    дело премиера претстава режија сараево театар
    Следете на Facebook Следете на Instagram Следете на YouTube
    Споделување. Facebook Твитер Линктин

    ПОВРЗАНИ ПОСТОВИ

    Глобална женска лидерска конференција „Јас сум жена“ утре во Скопје

    13/11/2026

    „Набуко“ од Верди на 30 октомври на сцената на Националната опера и балет

    26/10/2026

    Весна Димитровска прогласена за најдобра актерка на меѓународен фестивал во Италија

    16/10/2026
    Додади Коментар
    Остави Одговори Откажи Одговор



    НАЈНОВИ ВЕСТИ
    Прва Скопска ТВ
    Facebook Instagram YouTube
    • За нас
    • Импресум
    • Контакт
    • Програмска шема
    © 2026 Konzoto. Сите авторски права се задржани. Веб-дизајн и развој: Виктор Аврамов.

    Тип погоре и притиснете Enter search. Притиснете Esc да ја откажете.