Општина Центар најавува уметничка програма на улиците во општината по повод Светскиот ден на уметноста и ги повикува здруженијата, организациите и уметниците од Центар да се пријават на јавниот повик за финансиска поддршка на проектите.
Според најавите, дел од центарските улици ќе се претворат во отворена сцена на која ќе се одржуваат различни улични перформанси – од музички и танцувачки настапи до акробатски и други уметнички изведби. Идејата е, по примерот на големите светски културни центри, уметноста да излезе од институциите и да се доближи до граѓаните.
Градоначалникот на Општина Центар, Горан Герасимовски, ги повика сите заинтересирани уметници да предложат свои идеи и програми. Целта, како што посочи тој, е да се создаде нова културна приказна во која уметноста ќе биде достапна за пошироката јавност.
Рокот за пријавување е пет дена од објавувањето на повикот на веб-страницата на Општина Центар. Апликациите може да се достават по пошта или директно во архивата на општината.
Подетални информации и условите за аплицирање се достапни на официјалната интернет-страница на Општина Центар.
ttps://www.centar.gov.mk/za-gragjanite/povici/javni-povici
