Министерот за транспорт Александар Николоски истакна дека авиосообраќајот во Македонија бележи значителен раст, со отворање на 22 нови линии што ја поврзуваат земјата со повеќе европски дестинации.
Според него, аеродромите во државата бележат зголемен број патници и постепено се позиционираат како регионални лидери. „Силно се развива авиосообраќајот во Македонија. Отворени се 22 нови рути кои ја поврзуваат Македонија со цела Европа. Аеродромите во државата, со сè поголем број на патници, стануваат лидери во регионот. Продолжуваме во периодот што следи со уште повеќе активности со цел зајакнување на авиосообраќајот“, изјави Николоски.
Тој најави дека во наредниот период ќе се реализираат дополнителни активности за унапредување на транспортната инфраструктура и понатамошен развој на воздушниот сообраќај.
