Викендов во Скопје ќе се одржува Саем за туризам: рурални домаќинства во Македонија. Mанифестација која на едно место ќе ги обедини најавтентичните рурални приказни од Македонија, ќе ги приближи руралниот и искуствениот туризам до пошироката јавност.
Убаво замислено. На Саемот ќе се претстават малите рурални домаќинства со капацитет до 20-ина легла, автентичните семејни винарии со можност за групни и индивидуални дегустации, ресторанските услуги и сместувањето, но и земјоделските и руралните бизниси кои нудат мир, природна убавина и
топло селско гостопримство.
Ќе се презентираат и органски македонски производи, традиционални преработки, локални деликатеси, вина и ракии од разни региони на земјата.
Има македонското село што да покаже. Тамошните мали семејни бизниси заслужуваат и поголема поддршка за да се доразвијат и потоа повеќе да придонесат за развој на Македонија.
