Народна банка: Нето надворешниот долг во третиот квартал намален за 106 милиони евра

На крајот на третиот квартал нето надворешниот долг изнесува 4,49 милијарди евра или 27,1% од проектираниот БДП, покажуваат податоците на Народна банка Македонија.
Во третиот квартал од 2025 година, надворешниот долг е намален за 106 милиони евра, а во однос на крајот на 2024 година, нето надворешниот долг е намален за 45 милиони евра.
Во текот на третиот квартал од 2025 година, негативната нето меѓународна инвестициска позиција е намалена за 250 милиони евра.