Факултетот за ликовни уметности при Универзитетот „Св. Кирил и Методиј” денеска ја отвора студентската изложба „Мало и моќно – Големото влијание на уметноста од мал формат”, во Галеријата „Драгутин Аврамовски-Гуте” во Сули ан.
Како се наведува во соопштението, изложбата претставува долгогодишен проект на Факултетот за ликовни уметности, кој се одржува континуирано од 1990 година, а е посветен на истражување на односот меѓу форматот и идејата, како и дисциплината и слободата на уметничкиот израз.
– На изложбата ќе бидат претставени дела на студенти од сите четири години на Катедрата по графика и трансмедиумски практики, како и студенти од вториот циклус на студии на истата катедра, велат од ФЛУ.
Изложбата ќе биде отворена за посетители секој работен ден од 8 до 17часот, до 15 февруари 2026 година.
