>Во Музејот на националната борба за самостојност денеска се одржа промоција на книгите: „Посланија и беседи“ од Архиепископ Доситеј и „Таков Архиереј ни требаше – зборник на трудови во чест на Архиепископот Доситеј“.
Промотори на книгите беа архиепископот Охридски и Македонски г. г. Стефан и митрополитот Дебарско-кичевски г. Георгиј.
Книгите се во издание на Светиот архијерејски синод на Македонската Православна Црква – Охридска Архиепископија, а се објавени по повод стогодишнината од замонашувањето на блаженоупокоениот Возобновител на нашата Света Црква.
На свеченоста настапи свештеничкиот хор на Скопската епархија.
Архиепископот Доситеј (7 декември 1906 – 20 мај 1981) е прв поглавар на возобновената Охридска архиепископија во името на Македонската православна црква.
На црковно-народниот собор во Охрид во 1958, кога се возобновува Охридската архиепископија како Македонска православна црква, е избран за прв поглавар, востоличен во архиерејскиот трон на св. Климент со титула Архиепископ Охридски и Скопски и прв митрополит Македонски. Под негово раководство на црковно – народен собир во 1967 година, МПЦ е прогласена за автокефална.
МОЖЕБИ ЌЕ ВЕ ИНТЕРЕСИРА: