Кристијано Роналдо го прослави синоќешниот триумф и освојувањето на Лигата на нации во друштво на својата партнерка Георгина Родригез, а заедно позираа со пехарот.
Фотографијата ја споделија Кристијано и Георгина, а покрај онаа на која се прегрнуваат и го држат пехарот, таа додаде и уште неколку снимки кои ги бележат деталите од самото гледање на финалето на Лигата на нации.
„Шампиони! Честитки тим“, напиша Георгина со фотографијата.
Заедно со своите деца, Родригез го следеше финалето на Лигата на нации, кое се играше во Минхен, а за таа пригода избра прилично предизвикувачка облека – позираше во црвен корсет со црвена долна облека видлива под него.
Португалија ја победи Шпанија синоќа по драмата на пенали. Резултатот по 120 минути игра беше 2:2, а тие ги победија по изведување на пенали со резултат од 5:3.
Во центарот на вниманието беше Кристијано Роналдо, кој не можеше да го гледа изведувањето на пенали од клупата, а кога Португалија победи, тој падна на земја и заплака од среќа.
Иако освои сè што може да се освои, изливот на емоции на Роналдо е само потврда за тоа колку го сака фудбалот и покрај тоа што е кон крајот на својата кариера.
