Жива досада“ е претстава која со многу хумор и топлина ја отвора темата за досадата на децата во современото време. Авторките ги охрабруваат и децата и родителите да ѝ дозволат на досадата да постои – како природен дел од растењето, кој поттикнува креативност, игра и вистинска комуникација.
Во волшебниот свет на Вања и Бојана, децата на денешното време – ќе се појават и ликови од Недојдија, каде што ќе започне една необична игра на замена на светови. Кој свет е подосаден? Денешниот или оној од бајките?
Одговорот ќе го најдат преку магијата на детската имагинација.
Авторски проект на актерките Билјана Јовановска, Изабела Јакимова и Нина Деан
Режисер: Билјана Јовановска
Играат: Гоце Андонов, Нина Деан, Изабела Јакимова, Јана Вељановска
🎭 Алтернација: Билјана Јовановска
Фото: Принтскрин/Facebook
