Претставата „Малата Фрида“, во режија на Аница Томиќ, а во изведба на Градскиот театар „ЖАР ПТИЦА“ од Загреб, Хрватска, ја освои Гран при наградата на 4. издание на Интернационалниот фестивал на детски театри „Игор Маџиров“, што се одржа од 15 до 18 октомври 2025 година.
Жирито оцени дека претставата е „топла, духовита и визуелно раскошна, со сценографија и костими кои раскажуваат приказна за тешките денови на малата Фрида Кало, пренесена на децата на јасен и ангажиран начин, поттикнувајќи ги да размислуваат за различностите и прифаќањето“.
Професионалното жири беше во состав:
Игор Третињак – театролог од Хрватска,
Изабела Новотни – актерка при Театарот за деца и младинци,
и Јулијана Мирчевска – актерка и претседателка на Националниот центар „АСИТЕЖ Македонија“.
🏆 Двојна победа за „Малата Фрида“
Покрај Гран при наградата, детско-младинското жири ја прогласи „Малата Фрида“ и за најдобра претстава според младата публика.
Во ова жири членуваа: Бисера Мојаноска, Ведран Маричиќ, Уна Дона Силјановска, Теофрил Сачкарски, Саша Димитревска, Софија Петрушева и Јанис Далајоргос.
🎬 Други наградени
Награда за најдобра режија:
👉 Давид Зуазола за претставата „Прозорецот“ во изведба на Театарот за деца и млади „Мерлин“ од Темишвар, Романија.
Оваа претстава доби и специјални награди за:
-
-
музика – Лазар Новков,
-
колективна актерска анимација – Роберт Копот и Лаурентиј Плеша,
-
визуелен идентитет – Давид Зуазола и Атила Бајко.
-
Награди за актерски остварувања:
-
🎭 Аманда Пренкај – за улогата на Фрида Кало во „Малата Фрида“
🎭 Таноси Сиорис – за извонредните актерски креации во претставата „Сино“ на театарот „Хоп Сињор“ од Атина, Грција.
-
-
-
Награда за најдобра костимографија: Дорис Крстиќ
-
Награда за сценографија: Игор Васиљев – за претставата „Малата Фрида“.
✨ Интернационалниот фестивал на детски театри „Игор Маџиров“ и оваа година потврди дека е едно од најзначајните места за промоција на квалитетен театар за најмладата публика, обединувајќи уметници од повеќе земји и нудејќи програма исполнета со емоција, креативност и порака за прифаќање и различност.
Фото: Принтскрин/zar-ptica.hr
