За над 10 отсто е зголемена просечната плата во август, во однос на лани

Во август годинава, просечната месечна исплатена нето – плата изнесувала 45.310 денари, а просечната бруто-плата била 68.180 денари што во однос на истиот месец лани е згоелмување од 10,3 отсто, соопштија од Државниот завод за статистика.
Зголемувањето на платата се должи, пред сѐ, на зголемувањето на платите во секторите: Дејности на здравствена и социјална заштита за 14,6 проценти, Образование за 14,5 проценти и Административни и помошни услужни дејности за 14,1 проценти.
Зголемување на просечната месечна исплатена нето-плата по вработен во однос на јули е забележано во секторите: Уметност, забава и рекреација за 5,2 проценти, Објекти за сместување и сервисни дејности со храна за 4,7 проценти и Рударство и вадење на камен за 4,5 проценти.