Стразбур пресуди во корист на Рашковски, државата ќе му исплати 750 евра

Поранешниот генерален секретар на Владата во времето на владата на експремиерот Зоран Заев, Драги Рашковски, доби пресуда од Европскиот суд за човекови права во Стразбур, со која е утврдено дека дел од притворот што му бил одреден не бил оправдан.

Иако тој барал отштета од 10.000 евра, Европскиот суд му досудил 750 евра и оценил дека македонските судови не ги прекршиле правата на Рашковски со одлуката за замрзнување на паричните средства на сметките на неговите деца.

Иако Рашковски се жалел и на оваа мерка, Судот не утврдил повреда во постапувањето на домашните судови.