Со нови бушотини Петровец го решава проблемот со водоснабдување во Општината

Со нови бушотини за вода, општина Петровец го решава проблемот со водоснабдување во населените места.
Во населеното место Сушица се избуши нова бушотина за вода со капацитет на проток на вода од 80.000 литри за 24 часа. Следува период за испитувањето на исправноста и квалитетот на водата, по што водата од оваа бушотина ќе се приклучи кон постоечката водоводна мрежа.
Веќе, како што информираа од Општината, се започнати активности за правење на уште една бушотина, која би го решила проблемот со недостиг на вода во овој период од годината и во населените места Блаце, Бадар, Кожле и Тотинци.