Со нова бушотина во Катланово ќе се подобрува водоснабдувањето

Општина Петровец направи бушотина за водоснабдување на населеното место Катланово, со цел надополнување на постоечката водоводна мрежа, особено во летниот период кога е зголемена потрошувачката на вода. По добивањето на резултатите за техничката исправност на водата истата ќе биде пуштена за употреба во водоводната мрежа. Од Општината информираа дека се преземаат активности за уште една бушотина за дополнување на водоснабдувањето на населеното место Сушица, бидејки и во ова населено место во летниот период се јавува недостиг на вода.