Сите основни училишта во Ѓорче Петров до крајот на годината со современи информатички кабинети

Општина Ѓорче Петров обезбеди 30 нови персонални компјутери за основното училиште „Мирче Ацев”, со што се подобруваат условите за изведување на наставата по информатика и се овозможува секој ученик да работи на сопствен компјутер во рамки на информатичкиот кабинет.

Градоначалникот на Ѓорче Петров, Александар Стојкоски, посочи дека општината продолжува со инвестиции во образованието и создавање современи услови за учење. Од Општината информираат дека до крајот на годината сите основни училишта во Ѓорче Петров ќе добијат современи кабинети по информатика.