Јаник Синер е во финалето на Ролан Гарос а за противник ќе го има Карлос Алкараз. Првиот светски рекет во полуфиналето го победи Новак Ѓоковиќ со 6:4, 7:5, 7:6.
Новак Ѓоковиќ уште еднаш покажа дека може да игра на врвно ниво дури и на 38 години. Дури имаше три сет-топки во третиот сет, но Синер сепак за Србинот е енигма во овој момент.
Првиот сет беше решен во петтиот гем. Синер дојде до брејк, што беше одлучувачки да поведе со 1:0 во сетови.
Вториот сет беше драматичен во финишот, откако Синер направи брејк во седмиот гем и поведе со 4:3. Ѓоковиќ успеа да се врати и да зедначи на 5:5, но во наредниот гем на свој сервис прокоцка водство од 40:15.
Третиот сет беше најдраматичен. На сервис на Синер, Ѓоковиќ имаше три сет топки, не успеа да ги искористи, а тај-брекот го доби Италијанецот.
Ова беше нивни деветти натпревар, а Синер ги доби последните четири дуели.
