Се одржува третиот саем за образование и кариера

Започна третото издание на Саемот за образование и кариера 2026, кое до недела ќе се одржува во Сити мол.
Настанот е во организација на студентската платформа Студентарија, а оваа година пред идните студенти ќе се презентираат 12 универзитети со над 100 факултети од Македонија, академии за дигитални и современи професии, како и компании што нудат пракса, вработување и кариерен развој.
Програмата вклучува и панел-дискусии и работилници за кариерно советување и развој на вештини потребни на современиот пазар на труд.