Реновирани тоалетите во градинката „Калинка” во стар Аеродром

Од општина Аеродром денеска истакнаа дека објектот „Калинка” во Стар Аеродром, што работи во рамките на детската градинка „Срничка”, добил целосно реновирани тоалети – и за дечињата и за вработените.
„Тоалетите се целосно адаптирани на возраста на најмалите, со цел да им овозможат поголема удобност, безбедност и хигиена”, посочија од Општината во објавата на Фејсбук.
Дополнително, напишаа од таму, уредена е и нова просторија за престој на дечињата, опремена со дидактички материјали за различни возрасти.