Ракометарите на Охрид се во полуфиналето на ЕХФ Европскиот Куп. Тие и на реваншот го победија тимот на грчки Олимпијакос со 25-24, и обезбедија пласман меѓу најдобрите четири тима во ова натпреварување, каде што противник ќе им биде словенечки Цеље.
Во првото полувреме, освен на почетокот, Охрид држеше постојана разлика од 1 до 3 гола, но во второто полувреме, пред крајот, Олимпијакос дури и поведе. Сепак присебноста на охрдиските ракометари со постигнување на неколку гола по ред, им донесе минимална победа за да го заверат пласманот во полуфиналето во оваа ЕХФ натпреварување.
Најефикасен кај Охрид беше Иванковиќ со осум голови, Јагуриноски постигна четири. Кај Олимпијакос Савас постигна пет голови.
Во првиот меч во Атина, Охрид славеше со пет голови разлика.