Рачни гранати фрлени врз две продавници во центарот на Атина

Две експлозивни направи биле фрлени врз продавници во центарот на Атина, соопшти грчката полиција. Во нападите нема повредени лица.

Првиот инцидент се случил околу 4:25 часот наутро по локално време, кога рачна граната била фрлена врз продавница за здрава храна во улицата Ахарнон. Во моментот на нападот во објектот се наоѓал и обезбедувач од сириско потекло, објавија грчките медиуми.

Вториот напад се случил околу 4:55 часот во областа Агиос Пантеиламонас. Непознат сторител фрлил експлозивна направа врз бар во сопственост на сириски државјанин.

Полицијата спроведува истрага за утврдување на мотивите и за откривање на сторителите на двата напади.