Просторот околу некогашниот ресторан Езерце во парк ќе се трансформира во модерна рекреативна зона

На местото за поранешниот ресторан „Езерце” во Градски парк ќе има детско игралиште, најавија од Град Скопје. Ресторанот со години не работеше и беше целосно руиниран и распаднат, па поради тоа беше урнат.

Сега од градската администрација велат дека наместо нов објект, предвидено е изградба на нови пешачки патеки, ново зеленило, поставување на детско игралиште и реквизити за рекреација. Ќе се местат и нови клупи и урбана опрема.

Од Град Скопје велат дека целта е просторот да се трансформира во модерна рекреативна зона.