По завршувањето на четвртфинална фаза, формирани се полуфиналните двојки на Светското клупско првенство, што се одржува во САД. Во европскиот класик, силите ќе ги одмерат Реал Мадрид и Пари Сен-Жермен, додека во вториот дуел ќе се соочат англискиот Челзи и бразилскиот Флуминенсе.
На патот до полуфиналето, Реал Мадрид, во вистинска драма на стадионот „Мет Лајф“ во Њу Џерси, ја совлада Борусија Дортмунд со 3:2. Пари Сен-Жермен, пак, во натпревар одбележан со два црвени картони за францускиот тим, го елиминираше Баерн Минхен со 2:0. Головите за ПСЖ ги постигнаа Десире Дуе и Усман Дембеле во второто полувреме.
Челзи го обезбеди своето место меѓу најдобрите четири со победата од 2:1 над бразилскиот Палмеирас во Филаделфија. Овој натпревар имаше интересна предигра, бидејќи еден од најдобрите играчи на Палмеирас, Естевао Вилијан, кој постигна гол за својот тим, наскоро и официјално ќе стане фудбалер на Челзи. На крајот, несреќен автогол во 83. минута го одлучи победникот.
Првиот полуфиналист беше одлучен на дуелот мегу Флуминенсе и саудискиот Ал Хилал. Бразилскиот претставник славеше со 2:1, со головите на Мартинели и Херкулес, и со тоа ги задржа живи надежите на Јужна Америка за освојување на титулата.
