Поскапуваат „Тему“ и „Али Експрес“, Владата предложи закон за укинување на ослободувањето од ДДВ

Сите поштенски пратки, чија вредност беше под 22 евра, што досега беа ослободени од ДДВ, ќе поскапат за 18 отсто, затоа што со новиот предлог закон Владата го укинува ова ослободување.
ДДВ нема да се плаќа само за мали пратки со некомерцијална вредност, испратени од физичко лице на физичко лице, кои не надминуваат вредност од 22 евра. Ослободувањето од ДДВ, меѓутоа, нема да се применува за алкохол, парфеми, тутун и слични производи.
Измената на Законот за ДДВ е мотивирана од растечката популарност на меѓународните платформи за онлајн купување, како што е кинеските платформи Тему и Али Експрес, на кои македонските граѓани само во јуни годинава година нарачале 250 тони стока. Според податоците на Царинската управа, 95 тони од овие пратки имале третман на мали пратки, за кои не биле наплатени давачки.