Во првите 100 дена од мандатот на градоначалникот Дејан Митески, Општина Аеродром реализирала низа конкретни проекти и мерки, со посебен фокус на образованието, инфраструктурата, екологијата и поддршката за семејствата.
Општинското раководство како свои успеси во отчетот ги споменаа: новата училишна зграда на училиштето „Блаже Конески” во Мичурин, воведувањето системска селекција на пластичен отпад во домаќинствата, активности за зазеленување, поставените фитнес зони на отворено и обновени детски игралишта.
„Во делот на инфраструктурата, започна реконструкцијата на улицата „Фрањо Клуз”, изградени се нови паркинг простори, а засилени се контролите на бучава и комуналниот ред. Воведовме и социјални мерки, меѓу кои еднократна финансиска помош за новороденчиња и програмата „Нула комуналии – прв дом за млади,” соопштија од општина Аеродром.
МОЖЕБИ ЌЕ ВЕ ИНТЕРЕСИРА: