Најмалку 12 лица загинаа, а повеќе се повредени во два израелски напади извршени рано утрово врз село во јужен Либан. Во првиот напад била погодена зграда во која загинале 11 лица, меѓу кои две деца и четири жени, додека осуммина биле повредени, соопшти либанското Министерство за здравство. Во вториот напад бил погоден автомобил, при што загинал припадник на либанска спасувачка организација, а уште две лица биле повредени.
Израелската армија соопшти дека нападите биле одговор на два напада со дронови на Хезболах насочени кон израелски војници во Либан.Според израелската страна, една од целите бил припадник на Хезболах за кој се тврди дека се обидувал да пренесе оружје во Кфар Руман.
Нападите следуваат во период на засилено израелско бомбардирање на јужен Либан и покрај прекинот на огнот договорен во јуни, а само во неделата во овој регион загинале најмалку седум лица. Хезболах засега не презеде одговорност за нападите со дронови и не ги коментираше новите израелски удари во провинцијата Набатие.
