Во врска со новиот систем на ЕУ на контрола на граничните премини и дали превозниците ќе имаат олеснувања, премиерот Христијан Мицкоски денеска истакна дека најмалку што може да направи ЕУ, ако навистина сака до 2030 да го види регионот како дел од Европа, е да не нѐ дискриминира.
“Имаше регионална иницијатива не само од наша страна туку и од останатите шест земји од Западен Балкан. Треба час поскоро да се разгледа тоа и да се олесни пристапот на превозниците и онаа зелена лента што се најавуваше од Европската комисија да профункционира, и мислам дека тоа нема биде проблем. Но, она што јас ќе го покренам како прашање и на дискусијата сега со претседателката на Европската комисија Урсула фон дер Лајен, но и на Берлинскиот процес, ќе биде токму тоа – кога ќе слетате на било кој европски аеродром на земја членка на ЕУ има натпис „граѓани на ЕУ“ и „граѓани кои не се од ЕУ“ а се дел од Европа и други граѓани, и ако навистина сакаме до 2030 да го видиме регионот како дел од Европа мислам дека најмалку што може да направи ЕУ е да не не дискриминира, сите да можеме да бидеме граѓани на Европа”, рече Мицкоски.
Според него, не треба да бидеме дискриминирани зашто не сме дел од ЕУ и треба да поминуваме на брза трака, бидејќи сите поседуваме биометриски пасоши.
МОЖЕБИ ЌЕ ВЕ ИНТЕРЕСИРА: