Лионел Меси останува во Интер Мајами и во идната сезона. Денеска и официјално ја обнови соработката со клубот од американската МЛС лигата за уште една година, до крајот на 2026 година. Договорот бил постигнат пред еден месец, но се чекало да заврши целата процедура во лигата, бидејќи не станува збор за обичен, туку за специјален договор кој финансиски излегува од рамките на лигата.
Со ова е јасно дека Меси планира да игра и на Светското првенство во 2026 година, каде со Аргентина ќе ја брани титулата освоена во Катар. Иако славниот „гаучос“ не потврдил дека сигурно ќе биде на списокот на селекторот Лионел Скалони, останувањето во Мајами уште една година е јасен показател дека има таква намера.
Интер со Меси планира следната сезона повторно да се обиде да ја освои титулата во МЛС лигата, но клубот има и јасен план да не го форсира Аргентинецот да игра на секој натпревар. Иако навивачите очекуваат магија на секое појавување, Меси по два-три одиграни меча секогаш ќе одмори еден, за да остане во добра физичка форма.
МОЖЕБИ ЌЕ ВЕ ИНТЕРЕСИРА: