Македонската фудбалска репрезентација синоќа го одработи последниот тренинг на Градскиот стадион во Кардиф пред денешниот натпревар против Велс од квалификациите за пласман на Светското првенство 2026 во САД, Канада и Мексико.
Македонија на овој меч ќе биде ослабена поради отсуството на Алиоски и Муслиу кои се повредени.
Избраниците на селекторот Благоја Милевски ќе се обидат да останат непоразени и со тоа да изборат полесен противник баражот. Доколку не бидат поразени ждребката ќе ја чекаат од третата група од каде што ќе добијат притивници од вториот сад по јачина. Сепак не е страшно и доколку загубат, затоа што баражот им е веќе обезбеден преку Лигата на нациите. Во тој случај противници ќе им бидат репрезентациите од најјаката група во која сигурно се Италија, Турција и Украина.
Ждребката за баражот е во петок.
