Лука Дончиќ повторно одигра маестрална партија и запиша дабл-дабл со 44 поени и 12 скокови, во новата победа на Лос Анџелес Лејкерс со 117:112 против екипата на Мемфис. На ова додаде и шест асистенции.
Лејкерс подобро го отворија натпреварот и по првата четвртина водеа со +4 (31:27). Сепак, следуваше одлична четвртина на Мемфис (42:24) и големо водство од +14 на полувремето.
Екипата од Лос Анџелес многу подобро заигра во третата четвртина, го стопи двоцифрениот заостаток, а во последниот период направи пресврт и дојде до победа. Покрај Дончиќ, се истакна и Остин Ривс со 21 поен, Џејк Ларавија со 13 и Маркус Смарт со 12 поени.
Кај Мемфис најдобри Џок Лендејл, и Џејлен Велс со по 16 поени.
Лејкерс имаат четири победи и два пораза на стартот од НБА сезоната и се наоѓаат на петтото место на Западот, додека Мемфис е деветти со скор од 3-3.
Во следното коло, Лејкерс го пречекуваат Мајами Хит, додека Мемфис на свој терен ќе игра против Торонто Репторс.
МОЖЕБИ ЌЕ ВЕ ИНТЕРЕСИРА: