Косовски камион се преврте во канал на скопската обиколница, двајца повредени

Рано утрово товарно возило излетало од патот и се превртело во канал на скопската обиколница, при што со повреди се здобиле возачот и сопатникот, информира МВР.

Се работи за товарно возило „мерцедес” со приколка со косовски национални ознаки, а несреќата се случила на еден километар пред клучката за Приштина.

Повредените се пренесени во Ургентниот центар во Скопје, а полицијата ги истражува причините за несреќата.