Општина Аеродром ќе го отстранува Божиќниот базар „Зимзоленд”, кој во Ново Лисиче, речиси две недели работел без потребната документација. Од Општината велат дека организаторите немале ниту еден валиден документ и најави дека ја започнале постапката за демонтирање.
Ова било утрврдено вчера попладне во заеднички вонреден инспекциски надзор од Градежната инспекција на Општина Аеродром, Државниот пазарен инспекторат, Државниот инспекторат за труд и Дирекцијата за заштита и спасување.
Дополнително биле утврдени и други неправилности. Од Агенцијата за храна и ветеринарство било утврдено дека организаторот не бил регистриран како оператор со храна и не ја известил Агенцијата дека на настанот ќе се продава храна.
Од друга страна денес организаторите на овој настан на социјалните мрежи објавија соопштение со кое демантираат дека биле затворени и најавија дека
продолжуваат со работа.