Цените во маркетите, на пазарите постепено си растат. Еден ден едни артикли, друг ден други артикли и така веќе подолго време. Колку сето ова е навистина економски оправдано, е прашање кои си го шепкаат граѓаните кога ги гледаат цените по рафтовите.
Пред некој ден беа казнети со по 50.000 евра четири трговски ланци, кои договарале цени надвор од економските правила и логика. Казна од 18.585 евра заработи и Сојузот на стопански комори поради тоа што ги координирал маркетите.
Тоа е добра институционална постапка за заштита и на слободната трговија и на потрошувачите. Но, дали само ова било картелско здружување има ли и сега нови? И она што е многу важно институциите да откриваат е има ли во праксата цени кои содржат премногу маржа во себе?
Пред десетина месеци инспектори констатираа дека кај дел од трговците на мало има над 20 отсто маржа на основните прехранбени производи, додека кај увозниците и дистрибутерите се евидентирани повисоки маржи и до 50 отсто, па Владата воведе ограничување на маржите.
Сега има ли контроли какви се маржите? Граѓаните често се прашуваат – дали е нормално цените да растат ненормално.
