Сопственикот на компанијата, Сет Кени, ги обвинил Болдвин и другите продуценти на филмот за водење медиумска кампања во која се обиделе да ја префрлат вината за куршумот што ја убил снимателката врз него.
Компанијата за реквизити PDQ Arm & Prop, која работела на филмот „Рѓа“, за време на снимањето на кој беше застрелана кинематограферката Халина Хачинс, го тужи актерот Алек Болдвин.
Сопственикот на компанијата, Сет Кени, ги обвинил Болдвин и другите продуценти на филмот за водење медиумска кампања во која се обиделе да ја префрлат вината за куршумот што ја убил снимателката врз него. Кени тврди дека Болдвин и продуцентската куќа ги користеле медиумите за да го прикажат во „лажно и навредливо светло“.
Тој изјавил дека поради „националната пропагандна кампања“ претрпел големи финансиски загуби и повеќе не можел да најде работа. Според него, продукцијата на „Рѓа“ била завршена во еден од неговите изнајмени имоти без плаќање, а неговиот инвентар за реквизити останал под полициски надзор.
Тој побарал од судот поротата да одлучи колку надомест треба да добие за претрпената штета, како и дополнителна компензација ако поротата утврди дека актерот и другите дејствувале невнимателно или злонамерно.
Кени работел како главен дистрибутер на реквизити за филмот што се снимал во 2021 година, а неговата компанија снабдувала лажни куршуми за снимањето. За време на истрагата, вистински куршуми биле пронајдени во PDQ Arm & Prop, но обвинителството тврдело дека тие не биле идентични со куршумот испукан на снимањето на 21 октомври 2021 година.
На судењето, обвинителите изјавиле дека вистинските куршуми на снимањето биле видени на фотографии направени на 10 октомври истата година, два дена пред лажните куршуми на Кени да пристигнат на снимањето.
„Беше катастрофално. Не станува збор за спасување на образот, немам што да изгубам. Целата оваа ситуација беше срање, а јас бев жртвено јагне“, рекол сега Сет.
Сопственикот на компанијата за реквизити, исто така, тврди дека ја поднел тужбата откако Болдвин ги тужел властите на Ново Мексико во јануари за она што го нарекол злонамерно гонење. Во таа тужба, актерот ја повторил теоријата дека компанијата на Кени случајно измешала вистински куршуми со лажни и ги доставила до продукцијата. Правниот тим на Болдвин во тоа време тврдел дека Кени не е под истрага бидејќи имал статус на сведок.
„Зошто сака да ме прикаже како негативец? Морам да ја кажам мојата страна. Имам можност да кажам: ‘Еве што всушност се случило, и тоа во многу случаи’“, нагласил Кени.
Јануарската тужба на Болдвин вклучува обвинувања за клевета, а неговите адвокати тврдат дека обвинителите и истражителите го нападнале актерот и копродуцентот за лична професионална или политичка корист. Тужбата првично била отфрлена во јули, но неодамна била повторно поднесена и префрлена на федерален суд.
Фото: Принтскрин/Instagram
