Полициските контролите на патиштата се засилени, но се уште е силно и убедувањето на некои возачи дека и понатаму можат да се однесуваат недоговорно кон сообраќајните закони и правила.
Месецов полицијата одзела 90 возила, најмногу во Тетово – 14. Меѓу градовите кои предничат со неoдговорни возачи се и Велес, каде биле одземени 13 возила, во Битола – 12 и Струмица и Куманово со по 11.
Најчеста причина за одземање е управување без возачка дозвола – кога лицето никогаш не полагало, кога му е трајно одземена дозволата или кога вози и покрај изречена привремена забрана.
Возилата се чуваат во полициски станици, а понатамошната постапка ја водат Обвинителството и судовите, информираат од Министерството за внатрешни работи.
Според најновите податоци, сепак, минатата недела е регистрирано и намалување на бројот на сообраќајни прекршоци евидентирани од системот, што дава надеж дека засилените контроли веќе влијаат врз дисциплината на возачите.
