Денес променливо облачно со сончеви периоди

Променливо облачно со сончеви периоди – најавува Управата за хидрометеоролошки работи (УХМР) за денеска. Во крајните јужни и источни делови од земјава ќе има услови за слаб локален дожд. Ќе дува умерен јужен ветер.

Минималните температури ќе се движат во интервал од 2 до 10 Целзиусови степени, додека максималните ќе се искачат од 12 до 19 степени.

Времето во Скопје ќе биде сончево со мала до умерена облачност и слаб до умерен ветер од југоиссток. Температурите ќе се движат од минимални 7 до максимални 18 степени.

Според најавата на УХМР, следува период на променливо облачно време со сончеви периоди и слаб до умерен јужен ветер. В среда ќе има локални врнежи од дожд, а од четврток дневните температури ќе бидат во пораст.