Денеска, пратеничката од ВМРО-ДПМНЕ, Бети Стаменкоска Трајкоска, го посети просторот кај ООУ „Кузман Шапкарев“ во Драчево, каде што наскоро ќе започне изградбата на нова спортска сала за учениците.
Салата е дел од вкупно 22 проекти што се обезбедени за општина Кисела Вода, а како што истакна пратеничката, оваа инвестиција е резултат на координирана и одговорна соработка помеѓу централната и локалната власт.
Со јасна цел – да создадеме подобри услови за воспитување и развој на децата. Нашата работа не завршува во собраниската сала. Таа продолжува тука, на терен, со реални чекори и видливи резултати“, нагласи Стаменкоска Трајкоска.
Таа подвлече дека секоја инвестиција во младите е вложување во иднината на државата, додавајќи дека ваквите проекти се доказ дека кога има волја и визија, има и резултати.
Новата спортска сала ќе обезбеди современи услови за физичко образование и спортски активности, со што ќе се поттикне здрав развој и активно детство кај учениците од ова основно училиште.
