Скопјанка повредена откако лице фрлало камења кон неа во Ѓорче Петров

Шеесет и седумгодишна скопјанка била повредена откако едно лице фрлало камења кон неа на подрачјето на општина Ѓорче Петров.

Според информациите од Министерството за внатрешни работи, случајот бил пријавен во СВР Скопје, а инцидентот се случил на 29 октомври во попладневните часови.

Жената претходно го опоменала лицето и се обидела да го сними со мобилен телефон, бидејќи, според пријавата, фрлало камења и земја на улица која требало да биде асфалтирана.

По опомената, лицето почнало да фрла камења кон неа, при што ѝ нанело телесни повреди.

Од МВР информираат дека се преземаат мерки за целосно расчистување на случајот.

Поврзани вести:

Битолчанка и државјанин на Естонија осомничени за измама со лажни онлајн инвестиции

Малолетници украле „Форд Фиеста“ оставен незаклучен во Дебар

Штипјанец осомничен дека украл паричник и ја злоупотребил банкарската картичка

СВР Скопје поднесе кривична пријава против 18-годишник за сомнение за силување на малолетничка

Уапсен ловџија од Кавадарци поради незаконит лов, пронајдено оружје, патрони и месо од срндак

Тешка сообраќајка во Градец, младо момче итно пренесено во болница