Во Министерството за одбрана (МО) денеска беа потпишани договори за вработување со професионални војници кои навршуваат 45 години возраст, како цивилни лица во македонската Армија, информираат од МО.
Реформата во одбраната, веќе ги дава првите позитивни резултати, соопштија од Министерството, носејќи сигурност и трајно решение за нашите професионални војници.
Оваа суштинска реформа е резултат на заедничката работа со претставниците на синдикалните здруженија и со Генералштабот, и по повеќе децении става крај на неизвесноста и на професионалните војници им отвора нова, дополнителна можност — трансформација на работниот статус од определено на неопределено време, соопшти Министерството, а можат и да изберат да заминат со испратнина или да се префрлат во органите на државната и локалната власт.
