Дефект на приклучна цевка остави без вода дел од улицата „Лермонтова“ во Центар

Жителите на улицата „Лермонтова“ во скопската општина Центар денеска ќе имаат прекин во водоснабдувањето поради дефект на приклучна водоводна цевка.

Од ЈП „Водовод и канализација“ – Скопје информираат дека прекинот е предизвикан од дефект на приклучна цевка Ф-5/4 на улицата „Лермонтова“ број 16, поради што корисниците од оваа улица останале без вода.

Водоснабдувањето е прекинато од 08:30 часот, а нормализирање на испораката се очекува по завршувањето на санацијата.

Од претпријатието не соопштија во кој период се очекува дефектот да биде отстранет.