Никола Јокиќ останува дел од Денвер нагетс, но потпишувањето на новиот договор ќе го одложи за следното лето, кога би можел да стане сопственик на највредниот договор во историјата на НБА.
Според американските медиуми, српскиот кошаркар донел одлука да не ја искористи можноста за продолжување на соработката ова лето, бидејќи со чекањето ќе може да заработи значително повеќе.
Се проценува дека разликата изнесува околу 80 милиони долари во споредба со договорот што би можел да го потпише во моментов.
Новинарот Кевин О’Конор објави дека се очекува Јокиќ во текот на следното лето да потпише нов петгодишен договор вреден околу 360 милиони долари.
Доколку тоа се реализира, договорот ќе биде најголемиот во историјата на НБА и дополнително ќе го потврди статусот на Јокиќ како еден од најдоминантните и најценети кошаркари во лигата.
Со ваквиот потег, српскиот центар испраќа јасна порака дека планира да ја продолжи кариерата во Денвер, каде што веќе се етаблираше како една од најголемите ѕвезди во историјата на франшизата.
