Министерот за одбрана Владо Мисајловски престојува во работна посета на Словенија, каде што ќе учествува на состаноците на министрите за одбрана во рамки на форматите CEDC и KREMS.
Во рамки на посетата, Мисајловски присуствуваше на Света литургија и на осветувањето на новата црковна канцеларија при Македонската православна црква „Света Троица“ во Крањ. Настанот се одржа по покана на Македонската православна црковна општина „Света Троица“ и Македонското културно друштво „Св. Кирил и Методиј“ од Крањ.
Министерот истакна дека секоја средба со Македонците во дијаспората има посебно значење, бидејќи тие и надвор од татковината со посветеност ги негуваат македонскиот јазик, верата, традицијата и националниот идентитет.
Според него, отворањето на новата црковна канцеларија претставува уште една потврда за силната поврзаност на македонската заедница во Словенија со своите корени и за нејзината заложба да ги зачува духовните и културните вредности за идните генерации.
По активностите во Крањ, Мисајловски ќе учествува и на состаноците со своите колеги од земјите учеснички во форматите CEDC и KREMS, каде ќе се разговара за регионалната безбедност и одбранбената соработка.
