Две лица загинаа, а седум се повредени откако руска наведувана воздушна бомба погоди станбена зграда во северниот украински град Суми, соопшти претседателот Володимир Зеленски. Според украинските власти, три од повредените лица се во тешка состојба, а меѓу повредените е и 13-годишно девојче.
Зеленски соопшти дека бомбата директно погодила дел од зградата меѓу третиот и четвртиот кат и го оцени нападот како „целосно нечовечки“. Спасувачките екипи извлекле четири лица од урнатините, меѓу кои и едно дете, а постои можност под остатоците да има уште луѓе.
Регионалниот гувернер Олех Хрихоров потврди дека спасувачката операција продолжува и дека тројца од седумтемина повредени се во тешка состојба.
Зеленски соопшти и дека руските сили погодиле клиника во Павлоград и логистички центар во близина на Киев. За овие два напада засега нема објавено информации за евентуални жртви.
Киев исто така бил цел на руски ракетен напад, соопшти градоначалникот Виталиј Кличко, но првично немало информации за жртви или материјална штета.
All services are currently working at the site of Russia’s utterly inhumane strike on a residential apartment building in Sumy. An aerial bomb hit directly between the third and fourth floors. Four people, including a child, have already been rescued from under the rubble. As of… pic.twitter.com/1wjH2AyGns
— Volodymyr Zelenskyy / Володимир Зеленський (@ZelenskyyUa) September 18, 2026
