Вкупниот промет во македонската индустрија во јули 2026 година пораснал за 2,7 проценти во споредба со истиот месец минатата година, покажуваат податоците на Државниот завод за статистика. На домашниот пазар растот бил значително поголем и изнесувал 8,5 проценти, додека на странските пазари прометот се зголемил за 1,9 проценти.
Најголем раст од 11,7 проценти е забележан кај нетрајните производи за широка потрошувачка, а кај интермедијарните производи растот изнесувал 6,2 проценти. Пад од 6,3 проценти е регистриран кај капиталните производи, додека прометот кај трајните производи за широка потрошувачка се намалил за 2,9 проценти.
Меѓу индустриските гранки кои најмногу придонеле за растот се производството на прехранбени производи, метали, машини и уреди.
Сепак, во споредба со јуни годинава, индустрискиот промет во јули е намален за 8,5 проценти, додека во првите седум месеци од 2026 година бележи раст од 2,3 проценти.
