Лидерите на Шкотска, Велс и Северна Ирска потпишаа заедничка декларација за право на самоопределување и побараа од британската влада да се подготви за можни уставни промени.
Документот го потпишаа премиерите на Велс, Шкотска и Северна Ирска, Рун ап Јорверт, Џон Свини и Мишел О’Нил.
Во декларацијата се наведува дека политичкиот пејзаж во Обединетото Кралство се менува и дека трите нации имаат право сами да одлучуваат за својата иднина. Потписниците истакнуваат дека првпат Шкотска, Велс и Северна Ирска имаат лидери кои се залагаат за независност од Обединетото Кралство.
Тие оценуваат дека иднината на нивните земји е во Европската Унија. „Нашите држави имаат право на самоопределување“, се нагласува во заедничката декларација.
Лидерите ја повикаа британската влада да почне со подготовки и планирање за да овозможи уставни промени во секоја од трите нации.
Декларацијата претставува заеднички политички притисок врз Лондон во период кога прашањата за независност и идното уредување на Обединетото Кралство повторно добиваат на значење.
