Премиерот Христијан Мицкоски денеска ќе присуствува на настан на Граничниот премин Табановце, организиран по повод успешното завршување на проектите реализирани во рамки на Акцискиот документ „ЕУ против организираниот криминал, со поддршка за трговијата“.
На настанот предвидени се обраќања на премиерот Мицкоски, директорот на Царинската управа Бобан Николовски, министерката за финансии Гордана Димитриеска-Кочоска и амбасадорот на Европската Унија во земјава, Михалис Рокас.
Во рамки на настанот ќе бидат презентирани резултатите од активностите финансирани преку ИПА 2021 Акцискиот документ на Европската Унија, чија цел е модернизација и унапредување на оперативните и технолошките капацитети на Царинската управа.
Предвидено е и официјално предавање на 26 специјализирани возила, како и современа форензичка и информатичка опрема за потребите на Царинската управа.
Вкупната вредност на донацијата изнесува четири милиони евра, а проектот е дел од поддршката на Европската Унија за зајакнување на борбата против организираниот криминал, подобрување на граничната безбедност и олеснување на трговските процеси.
