Украински поморски дрон ја нападна областа на пристаништето во рускиот црноморски град Сочи, при што се повредени осум лица, соопштија руските регионални власти. По ударот избувнал пожар на крајбрежјето, а оштетена е и инфраструктура во еден од најпознатите туристички центри во Русија.
Сочи се наоѓа на околу 650 до 700 километри од украинската граница и во градот се наоѓа официјалната летна резиденција на рускиот претседател Владимир Путин. Градоначалникот Андреј Прошунин ги повика жителите да побараат засолниште и да останат смирени додека трае опасноста.
Снимки објавени на социјалните мрежи прикажуваат силна експлозија во близина на крајбрежното шеталиште, по која се слуша и пукање. Според рускиот опозициски канал „Астра“, нападот предизвикал прекин на концертот на руската пејачка Татјана Буланова, а посетителите биле евакуирани. Експлозијата, според истиот извор, се случила во близина на ресторан кој бил делумно уништен.
Ова е нов напад врз Сочи за помалку од една недела, откако украинските сили претходно изведоа неколку бранови напади врз областа. Во претходниот напад украински поморски дрон, според извештаите, оштетил руско пловило, а пожар избувнал и во нафтен терминал во близина на градот.
Сочи, кој беше домаќин на Зимските олимписки игри во 2014 година, е едно од најпознатите летни и зимски одморалишта на руската политичка и економска елита. Нападот доаѓа и по украинските удари врз Новоросијск, каде цел беа руската поморска и инфраструктурата поврзана со извозот на нафта.
Во текот на војната и Украина и Русија повеќепати ги напаѓаа пристаништата и другата стратешка инфраструктура на противничката страна.
Sochi, Russia, on the Black Sea coast in Krasnodar Krai, is currently under attack by Ukrainian kamikaze USVs.
Local footage captured the explosion of one of the naval drones near the city’s waterfront. pic.twitter.com/UYtovyOlEv
— Special Kherson Cat 🐈🇺🇦 (@bayraktar_1love) September 9, 2026
