Нови руски воздушни напади го погодија Киев рано утрово, само неколку часа по заминувањето на американските мировни претставници од украинската престолнина. Во нападите со балистички ракети се повредени најмалку шест лица, а повеќе луѓе останале заробени во погодена станбена зграда, соопшти градоначалникот Виталиј Кличко.
Оштетени се петкатна и трикатна зграда, додека на повеќе локации во Киев избувнале пожари по падот на остатоци од ракетите.
Додека во украинската престолнина одекнувале експлозии, Полска ја активирала својата воена авијација заради заштита на полскиот воздушен простор.
Нападите следуваат по тричасовните разговори на американските претставници Стив Виткоф и Џаред Кушнер со украинскиот претседател Володимир Зеленски во Киев. Виткоф и Кушнер претходно престојуваа во Москва во рамките на обновените американски дипломатски напори за постигнување договор за завршување на војната во Украина.
Кремљ по разговорите во Москва соопшти дека не ја исклучува можноста за продолжување на трилатералните преговори меѓу Русија, Украина и САД.
Во меѓувреме, руските власти соопштија дека украински дронови погодиле цивилна инфраструктура и повредиле повеќе лица во Саратов, регион во кој се наоѓаат голема нафтена рафинерија и повеќе индустриски и воени објекти.
❗️The moment Russian ballistic missiles struck Kyiv.
Fires have broken out across multiple parts of the Ukrainian capital following the attack. People have been injured.
Witkoff and Kushner have barely left Ukraine. The message from Moscow is pretty clear now. pic.twitter.com/mRbCaF9Jus
— Maria Drutska 🇺🇦 (@maria_drutska) September 8, 2026
